الشباب الموكوس

11-15-2008, 06:39 AM

اخوتى اخواتى

سوف نستعرض معاً بعض الصفات السلبية فى الشباب و يستحق معها أن يوصف

بالموكوس

عن أبي هريرة رضى الله تعالى عنه : ( من أعتق شركًا له في عبد قُوِّمَّ العبد قيمة عدل لا وكس ولا شطط وأُعْطِي شركاؤه حصصهم وإلا فقد عتق منه ما عتق )

و معنى الوكس فى هذا الحديث : النقصان

إذن فحين نقول الشاب الموكوس فإننا نقصد الشاب الناقص !!

ألم تسمع أحداً يسب أحداً يقول له : يا ناقص

المهم أن الشاب الناقص هو الشاب الموكوس .

مين بقى هذا الموكوس ؟!!!

أنا سأذكر بعض صفاته و أرد منكم أن تكملوا هذه الصفات

فأقول و بالله تبارك و تعالى أتأيد

أن الشاب الموكوس هو :

1- المتدلل المتنعم الذى لا يعرف شيئاً عن الخشونة و إذا تعرض لبعضها فإنه لا يكاد يتحمل

مثلاً أرى هذا الموكوس فى زحمة المترو يكاد يفطس و لا يخجل حين يقول " إف .. إيه القرف ده "

2- المقلد ذلك التقليد الأعمى فى ملابسه و و كلامه فتجده كالعبيط قد يلبس نظارة شمس بالليل أو يضع كاسكيت فى مكان ليست به شمس أو يسمع أغان أجنبية لا يفهم منها شيئاً .

3- الذى لا ينتبه لدروسه و يترك التفوق للنصارى فتجد النصارى فى كليات الهندسة و الطب و هو فى الجامعة العمالية أو المعهد العاااااااالى للخدمة الاجتماعية

4- الفارغ الأجوف الذى لا تجد فى رأسه أى معلومات أو أى ثقافة .... أبيض يعنى

5- الذى يتخرج و يجلس فى البيت منتظر أن يكمل والده مسيرة الإنفاق عليه و لا يخرج ليبحث عن عمل لأن الأعمال التى تعرض عليه لا تناسب وضعه كخريج جامعى !!! و الذى لا يستحى أن يمد يده لوالده حتى بعد أن أصبح أطول من الباب

6- الذى كل همه فى الحياة أن يتعرف على هذه الفتاة أو تلك فيضيع عمره و يغضب ربه

7- المنفوخ على الفاضى

8- الذى يكذب ليتصف بخفة الدم و المرح

9- الذى يدخن لأن التدخين علامة مبكرة على الرجولة

10 – المنفصل عن تعاليم أهله ، المصر على مخالفتهم

11- الذى لا يصلى

12- الذى لا يتخير أصدقائه ، او هو لا يتخير إلا أصحاب السوء منهم

13- الذى يضيع وقته و عمره و شبابه أمام الإنترنت ليَسُبَّ و يُسَب و (يدردش )

14- الذى لا يشغل باله و تفكيره غير الجنس فيبحث عنه فى كل مكان ( تليفزيون – مجلات – سيدهات – إنترنت ) و كأن حياته كلها توقفت عند نصفه الأسفل

15 - الذى لا يتحرى الحلال فى العمل فلا مشكلة من العمل بالسياحة أو فى بنك ربوى أو ما شابه

16- الذى كل همه هو ماركة الموبايل الذى يحمله

17- الذى لا يعرف شيئاً عن المصحف إلا إنه شيئ يستعمل فى القسم ( و المصحف الشريف ما أنا رايح )

18 – الذى لا يتورع عن معاكسة البنات فى الشارع حتى و إن تحمل فى سبيل ذلك ضرب الأحذية

19- الذى يمكث عن الحلاق بالساعات ينتف له حاجبه و يسوى له شعره و كأنه عروسة تزف

20 – الذى لا يتكلم إلا فى الهيافة ( الدنيا حر قوى – الماتش امبارح كان جامد .....)

21 – الذى يظن أن مشاكله و قضاياه الشخصية أهم من كل مشكلة و كل قضية فيصدع رأس الناس بها

22- سأتركها لك لتكتبها

و نكتفى بهذا القدر حتى لا أتهم بالعنصرية ضد الشباب

11-15-2008, 08:15 PM

شكرا ليك يا عموره على الموضوع الجميل
والمفيد والي كل الكلام الموجود فيه صح
وموجود كتير اوي الايام دي
يعني في شباب الايام دي كتير موكوسين

11-15-2008, 10:25 PM

ميرسى يا توفى ع المرور الطيب
منورانى دايما

11-21-2008, 03:16 PM

اه والله البلد بقي فيها شباب كتير اوي زي مانت بتقول كده
وده اصلا بقي العادي والطبيعي
بس هقولك حاجه للتصحيح يعني مش معني انه حد في جامعه عماليه او في خدمه انه يبقي موكوس
لانه كل حد عنده ميول وقدرات ومش كل الناس بتحب تدرس طب او هندسه والا بقي كل الناس دكاتره ومهندسين وطبعا البلد تخرب
ههههههههههه
تسلم ايدك توبيك رائع

11-22-2008, 05:33 AM

ميرسى يا قمر ع المرور
بجد منورانى

12-02-2008, 02:39 AM

ايييييييييييييييييه يا عموره الجمال
تسلم يا باشا....

12-02-2008, 07:13 AM

انتى اجمل يا قمر
ميرسى كوتير ع المرور

12-07-2008, 12:00 AM

اولا ميرسي جدا على الموضوع بجد جميل
وياريت كل ولد يقرأه

ثانيا انت قلت حاجه
الل هي رقم 17

17- الذى لا يعرف شيئاً عن المصحف إلا إنه شيئ يستعمل فى القسم ( و المصحف الشريف ما أنا رايح )
دي اكتر حاجه يمكن لفتت نظرى لانى لسه كنت بكتبلك رد فى الموضوع اللى انا كنت كاتباه
قلتلى والنبى انتى عسل
وكنت بقولك القسم بغير الله شرك بالله
وكذلك القسم بالمصحف سواء كان بيقول (والمصحف .... ) او (بيحلف بالله بس حاطط ايده على المصحف)
ده بردو حرام
وربنا يبارك فيك
بجد الموضوع مهم وجميل

12-07-2008, 08:06 AM

ميرسى يا قمر
ع التعليق الجامد ده
وفعلا انا بقول الكلمه دى كتير
بس دى مسألة تعود
انا عارف انها غلط بس مش عارف امحيها

ميرسى تانى وتالت يا قمر

12-13-2008, 09:01 PM

ايه الجمال ده
لا بجد موضوع جامد يا عمورتي
حلاوتك كده لما تروق دماغك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من لغة الشباب الجديدة فى مصر	hamada	المنتدى العام	13	11-01-2008 01:47 AM
ما هي اراء الشباب و البنات؟؟؟؟؟	TrIpLe_X	منتدى الحوار والمناقشات	20	10-11-2008 09:43 PM
شوفو فشر الشباب بقى .....	ســـــوســـــو	المنتدى العام	11	10-02-2008 09:22 PM
موضة الشباب	RoMaNcEDraKoLa	منتدى الحوار والمناقشات	8	09-02-2008 07:35 PM
البطاله عند الشباب	toooomagic	منتدى القضايا والمشاكل الاجتماعية	5	05-08-2008 04:38 PM