اخوانى زوار منتدى اجدع ناس اتمنى لكم وقت ممتع معنا واذا اردت التسجيل والمشاركة مع كل الاعضاء وتحميل كل ما تريد ادخل على هذا الرابط واتبع الخطوات http://www.agda3nas.com/vb/t6071.html
شكرا لكم
ادارة اجدع ناس
يا بلد عاوزة بلد .. بلد جديدة بناس بتفهم يعنى ايه عيشة
بلد جديدة بناس عقولها لسة بتشتغل ولو على قدها
بلد جديدة بناس جديدة عندهم حاجة غير الكلام والدعاء على كل ظالم ومتحكم فى مصايرهم
بلد جديدة بناس جديدة عاوزين بجد يكونوا ناس
مش مجرد خيالات جوه اقفاص
ولا عاوز ارى ولا أسمع ولا اتنيل اتكلم
طبعا دا حال ناس كتير اوى
كل ما جاجه تحصل لازم يلعنوا البلد وطبعا كلنا كدا
بس الغريبه اننا فعلا بعد منعمل كدا برنجع تانى نحبها
يعنى ليه لما نبعد بنحنلها
ليه
لما نكسب ف مطشات كوره بنفرح اوى وبنبقى على اعصابنا لحد مالمطش يخلص
ليه
لما حد من مصر تلاقيه كويس واثبت نفسه للعالم بنفرح اووووى بيييييييييه
يعنى يا ترى بعد منبهدل ف البلد ونشتم فيها
ليه بنرجع وبنحبها تانى
يعنى بصراحه ف جوانا حاجه تجاهها بتخلينا نحنلها تانى
عشان كدا لازم نسال نفسنا
احنا ليه بنحب مصر
سؤال لولبى فولازى انتهازى موازى تباعدى
سؤال سهل تسأله
وصعب ويمكن مستحيل تجاوب عليه !!
النهارده هنفكر ونتكلم ونقول ليه بنحب مصر
نسمع الأغنية الجاية ونرجع عشان نبدأ حلقتنا
مصر هى أمى نيلها جوه دمى
شمسها فى سمارى
شكلها فى ملامحى
حتى لونى قمحى
لون خيرك يا مصر
رجعنا بعد الفاصل وبنتكلم عن مصر ...
بعيدا عن اشتغالة عفاف راضى لينا ، لأن القمح ليس من خير مصر
وبأننا الحمد لله بنستورده وبيجيلنا معونة
وبعيدا عن أننا مضطرين نسامحها لأنها غنت الأغنية قبل أن يجود علينا الزمان
برغيف مصيلحى ..وده طبعا درس مهم يعرفها إزاى تغنى فن يعيش
تعالوا بقى نسأل : احنا ليه بنحب مصر
هل لأن مصر هى بلد الهرم وشارع الهرم ؟؟
هل لأنها بلد جامعة الدول العربية وشارع جامعة الدول العربية ؟؟
واللى يطلع المقطم على عينا وراسنا ويباركله يامعلم
وبرضوا مش هنقله غير
يا بختك يا ابن المحظوظه!!!!!!
أم لأنها تنفرد بكون الأموات فيها ينفقون على الأحياء ؟؟!
فلا زال أجدادنا _كتر الله خيرهم _ سايبين لنا آثار كتير كتير كتير
شوية منهم بييجوا السياح يتفرجوا عليها ويدفعوا بالعملة الصعبة
اللى بالتأكيد مهياش أصعب من الجنيه اللى بندوخ عشان نجيبه
والحبة التانيين اديناهم لشوية ناس أمناء جدا ولهم عقليات تجارية متفتحة جدا
بيتاجروا فيهم مع الأجانب اللى عارفين ومقدرين قيمة ( الأثارات ) دى
كويس ...
ولا بنحبها علشان مقولة اللفيلسوف أحمد ماهر
بأن المصرى النيل من وراه والخير جواه
و ( أن من يشرب من مية النيل لازم يرجعلها )
ولا بنحبها لأننا بنقدر نمارس الديمقراطية فى أى حتة فيكى يا منطقة ؟!
أنا مش بهرتل وبهيس وحياة حماده هلال ده احنا شباب فل وكويس
مش هضيع وقتكم بشوية تهريج واستظراف
لكن عايز أقولكم إننا لو قعدنا نفكر من هنا ليوم الدين بنحب مصر
ليه .... صدقونى مش هنعرف ؟!
لأن ارتباطنا بيها مش بس ارتباط ذكريات وتاريخ ودم ووقت حلو ومر ولا
بنحبها لمجرد غنها بلدنا اللى المفروض نحبها ؟
عمرك ما هتعرف ليه بتحب مصر ...بس الاكيد إنك مش بس بتحبها
ده أنت بتعشقها وبتجرى فى دمك
نسمع اغنية ونرجع نكمل حلقتنا
وبحبك وحشتينى ... بحبك وأنت نور عينى
ده وأنت مطلعه عينى ..بحبك مووووت
لفيت قد إيه لفيت ..ما لقيت زى حضنك بيت
وبقولك أنا حنيت ...بعلو الصوت
_ هو أحمد الكاس مش هينزل ؟ ولا ربيع ياسين
- اشرب اشرب
-اللى ملهمش فيها بيشجعوا مصر ..واحنا معاهم
المشروب ده الراعى الرئيسى للمشجع المصرى ( أحدث إفيه اعلانى
متخلف )
ورجعنا بعد الفاصل
ولسه مكملين معاكم ( مصر حصريا ) وحلقتنا عن حب مصر وبعد ما
فشلنا فى اللينك الأولانى فى أن نحدد ليه بنحب مصر
تعالوا ننتقل لمساحة تانية ونحاول نعرف
إزاى بنحب مصر
يعنى هو إيه شكل حبنا لبلدنا
لأنه الواضح برضه غنه شكل بننفرد به
يعنى فى مصر حصريا ولو فتحت ميلودى هتلاقيها مكتوبة
exclusive
أيمن بهجت قمر لمس الحقيقة لما قال :
( ده وأنت مطلعة عينى بحبك مووووت)
وعم صلاح جاهين أصاب عين أم الحقيقة لما قال :
( بكرهها وألعن أبوها بعشق زى الداء )
الله عليكوا يا قمر انت وعم جاهين
آه احنا بنحب بلدنا كده ...
زى بالظبط الأم اللى بتدعى على ابنها من ورا قلبها ...
طول النهار بندور على مليون سبب وسبب نكره به بلدنا
ونلاقى نفسنا فى الآخر بنغنى لها ( ياناس انا دوبت فى دباديبه )
المصرى اللى بيدعبس فى الرزق عن ضحكة ويتمسح فى قفا نكتة ويتمسخر
على حاله وحال أمه _بما إن مصر هى أمى وأم الدنيا _ واللى برده ميقبلش
غيره يتمسخر عليها ،
نسمع آخر أغنية معانا النهاردة ونرجع عشان نختم حلقتنا
ياعينى علينا منك يامدينة
مجنونة ورزينة وفيكى البدع
ماشيين بالتوكالة وبألفين مقالة
الزيف والأصالة وبضرب الودع
ياعينى علينا صابرين للنهاية
بس أنت افهمينا قولى لنا الحكاية
إزاى يبقى نيلنا ويجرى لغيرنا
ياريته شوية يعدى علينا
رجعنا ولسه مكملين مصر حصريا
وليه بنحب مصر
مصر أم الدنيا اللى بنتها وقفت زمان بكل عزة وكبرياء وغنت
وقف الخلق ينظرون جميعا
كيف أبنى قواعد المجد وحدى
واللمبى ابن فرنسا بمخدراته ببيرته بسلطاته ببابا غنوجه لما جه يغنيها اليومين
دول تلعثم ولسانه تقل بسبب المخدرات اللى بيضربها عشان ينسى همه ..
أو يمكن يكون اللمبى مبقاش مصدق إن مصر أم الدنيا وإنها لسه بتبنى قواعد
المجد !! ومع ذلك لما مصر احتاجت اللمبى فى الجزء التانى ( اللى بالى بالك
يعنى ) عشان يمنع هروب رجل الأعمال الفاسد بالملايين المتلتلة اللى
سرقها ... اللمبى كان موجود وقام بتنفيذ المطلوب
خلصت حلقتنا بس لسه مخلصش الكلام
ولسه سبب حبنا لمصر حادث مقيد ضد مجهول
على أمل أن يجمعنا حوار ودى وحضارى طويل فى حب مصر
دمتم جميعا فى حب مصر
قالوا ابن آدم روح وبدنه كفن
قالوا لأ بدن
قالوا لأ ده روح فى بدن
رفرف فؤادى مع الرايات فى الهوا
أنا قلت لأ
روح فى بدن فى وطن
وعجبى ...
( تلوم علينا إزاى يا سيدنا وخير بلادنا مهوش فى إيدنا )
بنحبها عشان حبها ده حاجه بتجري في عروقنا
يعني هي مهما عملت فينا بردوا هنرجع نغني ليها
زي ما انت قلت بالظبط العلاقه بينا وبينها زي العلاقه بين حد وابنه
يعني هي غريزه هتفضل فينا مهما حصل
« آخـــر الـــمـــشـــاركــــات »
الإهداءات
بدل متشتم فيها قول بتحبها لييييه؟؟؟ 
رد: بدل متشتم فيها قول بتحبها لييييه؟؟؟ 
العرض العادي
