ازيكم يا احلى اعضاء فى احلى منتدى

انهارده انا جيبتلكم موضوع ممكن الشباب يزعلوا

منى شويه فيه , وهو بخصوص ما يرتديه الشباب من ملابس

وطبعا معظمنا هنا فى الجامعه وشاف اللى بيلبسه الشباب

والحاجه الغريبه جدا انى ممكن الاقى شاب بينتقد بنوته لابسه

لبس على الموضه , ونلاقيه فى نفس الوقت لابس لبس افظع من البنت

يعنى مثلا نلاقى الشباب اللى لابس تى شيرت لونه بينك ووبرتقانى

واصفر لا وايه اللى زود الطين بله , ان التى شيرت بيبقى

مطرز بخرز وحاجات مش يلبسها غير البنات

وعليه بقى رسومات غريبه , بجد حاجه ت**ف ويجى اى حد يساله

انت ايه اللى انت لابسه ده يقول على الموضه وروشنه

والغريب جدا انك لما تطلب منه اى خدمه على طووووووووول يقضيها

ويعملها , ولما يوعد يوفى بوعوده , فده معناته ايه انه محترم

رجولته وبيحافظ على وعوده دايما , وهل ممكن نربط بين رجولة

الشباب ولبسهم , وعموما فى ناس كتيييييييييير بتعرف الشخص

اللى قدامه بلبسه , يبقى هل ينفع نحكم على اى شاب بلبسه

زى ما الشباب بيحكموا على البنات بلبسهم


اتمنى انى اعرف راى الشباب بكل صراحه فى الموضوع ده

ولكم منى خالص الاحترام

معاك حق جداااااااا
مناظر الشباب بقى افظع من البنات
يعنى مثلا لو البنت لبست بلوزه ضيقه شويه هنقول معلش بنوته وبتتدلع
لكن بقى الراجل او الشاب مينفعش يدلع
وبعدين بقوا بيلبسوا حاجات بتبين حاجات تانيه يعنى تلاقيه لابس البنطلون الساقط ده ومش مشكله بقى لو بان حاجه من جسمه وسعات بيعملواا حسابهم
وبعدين ازاى دول بعض كده هيفتحوا بيوت ويتجوزوا ويبقوا مسئولين

وفى حاجه كمان هى ان كل عصر بيقى ليه الموضه بتاعته بس مش لازم كلنا نتاءثر بالموضه يعنى ايام زمان كان فى حكايت البنطونات بتاعت الرجاله اللى ضيقه من فوق و واسعه من تحت (الشلستون) بس مش كل الرجاله كانوا بيلبسوها يعنى والدى مثلا كان مش بيحب النوعيه دى وملبسهاش غير مره ولاحاجه

بس انا شايفه ان اللى بيلبسوا الحاجات دىى اكيد شخصيتهم فيها خلل لان مش ممكن يكون شخص سوى وعنده عقل ويروح يلبس بدى ضيق وبنطلون ساقط

اولا يا احمد المظهر في البدية يعطي الانطباع المبدئي عن الشخص الواقف امامك

ثم تأتي بعد ذلك المواقف والمعاملات حتي يؤكد او ينفي ما اخذته من الانطباع المبدئي

يعني باختصار الاثنان مكملان لبعضهما

وليس من المنطقي ان يكونو متناقضان

واعتقد من وجهة نظري ان الانسان هو الذي يؤثر علي الموضة وليست الموضة هي التي تؤثر علي الانسان

بمعني ان شخصية الانسان تحكمه في ان ياخذ ما يناسبه من موضة العصر الذي يعيش فيه

وان كانت لا تناسبه فمن الافضل ان يدعها

فسوف يأتي الوقت لتذهب كما ذهبت غيرها

حتي لا نشوه انفسنا بتقاليع لمجرد انها موضة

تقبل مروري

ولك مني كل الاحترام والتقدير

شكرا عطر الجنة على مرورك الطيب وفعلا كلامك صح والله
بس برده مننساش البنات واللى بيعملوه مشكوووورة

شكرا يا هبة على رائيك ووجهة نظرك المحترمة جدا واكيد فعلا
الانطباع بيتاخد عن الانسان اللى ادامى من شكله ومظهره
شكرا على وجودك بين صفحاتى

اسمحلي يا حمادة اقول وجهة نظري

عندنا في المجتمع الشرقي معايير معينة للاحترام .. بتختلف من منطقة لمنطقةومن مستوى لمستوى طبعاا
انت ضربت مثل للشاب اللي بيلبس بدي عليه خرز والاشكال الغريبة دي وبتقول انه بيكون وافي لعهده وراجل في تعاملاته ... الغلط بيكون في البيئة اللي حواليه ... يعني هوا فهم الاحترام بمنظور مخلوط ما ينفعش نقول غلط
بس هوا شايف انه لازم يكون شيك وع الموضة ... لكن الاسف انه ما فكرش ان الموضة دي غلط وانه كده بيقلد تقليد اعمى ..

الانسان لازم ينظر لكل شئ من جميع الجوانب حتى لا يعاتب ولا يقال له انه مفتقد لجانب م جانب الرجولة او الاحترام او .. الخ .

طبعا زي ما انت عارف انا عندي كلام كتير .. بس كفاية كده عشان لا اطيل

تسلم ياحمادة على فتح باب النقاش

العمــيد

دلوقتى الشباب بقوا يلبسو مثل البنات بس برده انت تعرف شخصيه الولد من لبسه زى الولد بيحكم على البنت من لبسها
بقى دلوقتى فى جميع المحلات انت متعرفش ده لبس بنت وله ولد وتروح تشترى اللى بيبع بيقول ده يمش بنت وولد احنا دلوقتى بقنا فى مجمتع بقى مافيش فرق بين وولد وده رائيى

على فكره الموضوع مقسوم نصفين النصف الأول
اصحاب المحلات فى مناطق معينه بيفرضوا نوعية ملابس ويقولوا هوده الموجود وتيجى تقولوا انا عاوز مقاس اكبر يقولك هو (ون سايز) يعنى مقاس واحد ده ناهيك عن الشكل والنوع.
النصف التانى
ان فى بنات بتقبل الوضع ده بس هى محترمه وتصرفاتها محترمه واكيد انت بتنسى الكلام ده بمجر ما تلمس جوهر الشخص ده
وتقبلوا منى فائق الإحترام

الحكم عمتا مش بيكون بالبلس بس بيكون عند كل واحد مننا
حكم بمدائي علي الشخص ده لكن بيتغير بعد التعامل معاه كليا
او بيفضل غير كده
واحيانا بنشوف ناس لبسه لبس محترم جدا جدا
وفي تعاملاته زباله جدا
لكن في ناس معرفش بيحكموا ازاي مجرد ما بيشوف الانسان لبس كده
لا ده مش راجل وده وده
وحاجات مالهاش لازمه بتتقال عليه
طيب نتعامل وبعدين نحكم علي الشخص ده

والمفروض كل شخص يلبس الحاجات المناسبه ليه ولمكانتيه
مش تشبه بالاخرين وموضه وخلاص
وموضوع جيمل جدا
والحمد لله انه متكلمش علي البنات