تعالو يلا كلنا نشرب شاي بالياسمين
مين هيشرب معايا هلا هلا على الشاي
والياسمين هلا هلا عليه
يلا ندخل في الموضوع
على طول:



شاى بالياسمين
السلام عليكم ورحمة الله وبركاته

طبعا كلنا عارفين ان الشاى بالياسمين = رشوة

والرشوة مرض منتشر فى المجتمع كله فى الشارع وفى الشغل وعشان تمشى مصلحة

والناس بقى عندها نوع من المناعة الغريبة بقت بتستحل الحرام ويقولك اصل المرتب مبيكفيش شاى يا بيه

نعمل ايه عايزين نربى العيال وندخلهم مدارس ونديهم دروس ولا عيالنا ولاد ........... مش لازم يتعلموا يعنى

اقله يا عم الفلوس ده حرام والله هتاكل عيالك من حرام

ميردش بقى وكل ما يشوفنى معدى يبصلى شذرا

لكن فى ناس تانية كويسة بس بقوا قلة

يعنى واحد صاحبى راح يخلص مصلحة فى جهة حكومية وكان عامل حسابه على رشوه 50 جنيه

المهم لقى الموظف خلصلوا المصلحة من غير لكاعة ولا وجع قلب

قال فى نفسه مش خسارة فيه الخمسين جنيه وبعد الموظف ما خلص الورق راح صاحبنا مطله الخمسين جنيه وبيدور يحطهاله فى انهى درج

الموظف كان ملتزم بصله

عيب يا فندم احنا ما بنقبلش الحرام

صاحبى داير يجكى الجكاية فى كل مكان كانه شاف عجبه

وفى ناس بقى الشاى بالياسمسن شغال من اول كبايه الشاى

لغاية البهريز اللى تتعد بالبواكى

وبصراحة اعرف واحد صاحبى مطعطل ومخدش تريقيته ومبيخدش حقه عشان مش عايز يرشى

وخايف ربنا

البيه اللى بياخد الرشوة ده يعتبر مدير شئون العاملين

تقدمله طلب تسوية حالة يصدرلك الطرشه ويحفظ الطلب باى تاشيرة هايفه

حاول يبلغ عنه انه بياخد رشوة معرفش عشان البيه بيخلى الساعى هو اللى يتفق وكمان الموظفين اللى معاه فى مكتبه وهو بتوصله النسبة بتاعته فى الاخر

خليته كتب شكوى فى البيه ده المهم لجنه جاتله من الوزارة تفتش عليه ومعرفوش يمسكه عليه حاجة بعد ما اللجنة مشيت
وزع على الموظفين بتوعه حاجة ساقعة والموظفات كانوا بيزغرتوا

وكلهم عارفين ان البيه مرتشى بس مين بقدر يقول

يلا حسابه عند ربنا

حد عدى عليه موقف فيه شاى بالياسمين ؟