انواع الفراق

10-06-2008, 03:03 AM

أولا
: الفراق بين اتنين بعد اكتشافهم انهم كانوا متوهمين
وده بيكون حب مراهقة او حب مؤقت وبيزول بسرعة
وهتلاقي كتير اللي حب بنت خالته واللي حبت ابن خالها و و و

ثانيا:
الفراق السريع نتيجة عدم التوافق
وده بيحصل نتيجة عدم الاتفاق في كثير من وجهات النظر وبيكون سريع يعني فترة الحب لا تتعدى الشهرين او الثلاثة ويكون النسيان فيها سريعا

ثالثا:
الفراق الناتج عن الحب من طرف واحد
ودي بتحصل كتير ورغم صعوبته بالنسبة اللطرف اللي وقع في الحب لكن سريعا ما يضيع اثر الحب مع ظهور الحب الحقيقي لأن الطرف اللي بيحب لم يجد ما يروي حبه من الطرف الاخر

رابعا:
الفراق نتيجة خيانة احد الطرفين بعد قصة حب
وده بيكون صعب جدا جدا للطرف اللي اكتشف ان الطرف التاني بيضحك عليه او بيخونه او كان بيستغل الحب للمصالح

الشخصية

مثلا واحد ارتبط ببنت علشان والدها راجل ذو منصب عالي وبعد ما اخذ مصلحته سابها وقطع الحب بسهولة
وفي الحالة دي يكون الطرف الخائن يلقي كلمات الحب بلا حساب للطرف المظلوم الذي يصدقه ثم تأتي الطعنة الغادرة النافذة للقلب بلا رحمة
ويصعب على الطرف المظلوم ان يصدق ان هذا يحدث من اقرب الناس الى قلبه

خامسا:

الفراق نتيجة وقوف الظروف بقسوة
النوع ده اصعب من النوع السابق لأن في هذه الحالة يكون الطرفين متعلقين ببعضهم لدرجة رهيبة ويحاولوا بكل الطرق التمسك ببعضهم ولكن يحيل الزمن دون ذلك لأسباب كثيرة
وللأسف تاتي لحظة الفراق الحتمية ويودع الطرفين بعضهم في مشهد قاسي جدا جدا وتكاد قلوبهم تتقطع وفي اخر يوم من ايام اللقاء ينظر كل طرف للاخر عالما ان هذه هي النظرات الأخيرة ولن يراه بعد ذلك ومهما كانت صلابة البنت او الولد فالدموع تغلبهم
وفي الحالة دي لا ينسوا بعضهم لفترة طويلة جدا من الزمان عكس الحالات الأولى
ويظلوا فترات طويلة في حزن واكتئاب داخلي حتى اذا اظهروا عكس كدة أدام الناس
النوع ده صعب أوي أوي أوي والله

سادسا:

وهو النوع الأصعب على الاطلاق وفاة احد الطرفين
نتيجة وفاة احد الطرفين هو بمثابة صاعقة تزلزل كيان الطرف الاخر حيث يشعر بحزن رهيب رهيب لا يحتمل ابدا وهو لا يتصور ان من كان يحبه وينسى الدنيا بجواره ويحلم بيه طوال الليل يختفي مرة واحدة من حياته دون حتى لحظة وداع
الفرق بين الحالة الخامسة والسادسة ان في الحالة الخامسة يكون الطرفين عندهم امل ولو ضئيل جدا حدا انهم يشوفوا بعض ولو مرة واحدة تانية حتى لو بعد عشرين سنة
لكن في الحالة السادسة لا امل لا امل
وتظل الصورة حية في قلب الطرف الباقي في الحياة
النوع ده مش صعب وبس ده مدمر للقلب

تحياتى
قاضى الحب

10-06-2008, 04:27 AM

بجد كلام حلو اوى و واقعى اوى يا قاضى بس بجد كلهم اصعب من بعض الفراق دا صعب اوى واحساسه مألم اوى ويارب محد يجربه

10-06-2008, 01:00 PM

يا رب يا مملكه الاحزان بجد الفراق دا اصعب حاجه
بس بردوا انتى مش قولتلنا ايه اصعب نوع فراق من رايك
تحياتى
قاضى الحب

10-06-2008, 05:23 PM

أنا جيت لقاضى الغرام ينصفنى على شوقه ( و أهو فعلاً نصفنى ) متوافق معك جداً

10-13-2008, 12:35 AM

ربنا يخليك يا صحبى على اجمل وارق كلام
تحياتى
قاضى الحب

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
للدموع انواع	hamada	المنتدى العام	15	09-08-2008 06:46 AM
انواع الحب عند الرجال	دمعة حنين	المنتدى العام	12	08-06-2008 02:04 PM
انواع القلوبفقلبك من اي نوع؟؟؟؟؟	دمعة حنين	المنتدى العام	6	07-31-2008 07:52 PM
الفراق (أحساس واحد جرب الفراق)	بوسى السمبو	حب فى حب	10	07-10-2008 07:30 PM
انواع الشباب الي على النت	شاعر الليل	استراحة اعضاء اجدع ناس	0	04-08-2008 04:07 PM