ياللي دفنتوا جتثه .. ليه تبكون
لولا الحيا لأقول معكم خذوني
ما اذكر لمحته غير مره بعيوني شفته
وكانت فرحتي مالها لون
عجزت اوصف من لمحته شجوني
ياليتني كنت الكفن يوم تمشون
ابقى معه بالقبر ثم تدفنوني
او ليتني من خلقكم كنت (مجنون) اتبع خطاكم والعذر هو ... جنوني
ابكي وراكم وادعي ان كان تدعون
مايكفي انه عاش عمره بدوني
تكفون دهاكم عمري اليوم تكفون
برخص حياتي دام خابت ظنوني
مافادني صبري
ولا فادني دمع (ن) حرق لي جفوني
ياما بكيته والبكى يحرق عيون ميت او انه حي
دمعي بعيوني العام كان بفرحته
يعزف لحون واليوم تحت الارض ماهو بكوني
لكن انا في فرحته كنت مدفون فوق الثرى
واليوم موته سجوني
اسميت قلبي عقب فرقاه ملعون
هو والليالي عن هناه امنعوني
ياليتني ماعشت لحظه بهالكون
وياليت ربعي في سكات اذبحوني
وياليتكم عن همي اليوم تدرون
منه انحرمت ومن عزاه احرموني
حتى بوفاته يوم انا طحت مطعون
اخفيت طعناتي قبل لا يفضحوني
بكيت لكن ماتظاهرت بالهون ابكي واقول : الموت هو سبة طعوني
وان كان في حبي انا ماتحسون ؟
دلوني لقبره وهناك
اتركـــــــــــــوني .....
« آخـــر الـــمـــشـــاركــــات »
الإهداءات
دلونــــــــي لقبــــره وهناك اتركـــــــــــوني 
العرض العادي
