فعلا مجتمعنا فيه حاجات كتير سلبية محتاجة تتغير للاحسن

واهمها ( نظرة المجتمع الشرقى للمرأة )


لسه المرأة ليها حقوق كتير ضايعة ولسه فيه رجالة شايفين ان ملهاش حق انها
تشتغل ويكون ليها دور فى المجتمع وتعبر عن رأيها


لسه لحد دلوقتى بيسمحو للولد يعمل كل حاجة واى حاجة بدون اى لوم
والبنت لو صدر منها اقل حاجة بتتقلب الدنيا


لسه فيه جزء مش قليل من الرجالة شايفين ان الزوجة مجرد خادمة ليه
وملهاش دور فى اى حاجة تانى وهوا بس اللى ليه دور البطولة فى الحياة
وحاجات كتير بتبين قد ايه احنا لسه عايشين فى رجعية ..


واكيد الحل فى ايدينا بأن نغير اسلوبنا ونطور فكرنا ونبص لأى حاجة بنظرة اكثر
عمقا ونبعد عن الرجعية بقى والافكار الغلط اللى كان بيفكر بيها اجدادنا من قرون
واحنا مشينا عليها من غير ما نشوف هيا صح ولا غلط هيا تتناسب مع زمنا ده ولا
لاء هيا تتناسب مع حجم التقدم والرقى اللى العالم كله بيعيشه دلوقتى ولا لاء
بجد لو وقفنا وقفة مع نفسنا اكيد حياتنا هتتغير ..

وتسلمى صمت على طرحك للموضوع القيم ده

حاجات كتيره في مجتمعنا محتاجه نظهر ليها
زي البطاله
يذاكر الطالب ويجتهد ويدخل ثانويه عامه
بمشاكلها ومجهودها ومذاكرتها ومصاريفها
وينجح ويتفوق ويدخل كليه محترمه ويذاكر علشان يجيب
تقدير كويس علشان يقدر يشتغل بسرعهويجوه مشكله كبيره بعد كده
مفيش شغل
مفيش وظيفه
بطاله زهق حاجات كتيره جدا
ممكن يتجه للجريمه
واحيانا بيسيب البلد واوقات بيصبح مدمن وحاجات كتيره
مكنش حد يتوقعها من الشخص ده بما انه كان متفوق
والامل مليه في يوم من الايام
وتتحول حياته الي ظلااام دامس
والسبب عدد السكان الكتير
الحكومه ربنا يكرمها
ويخلينا مبارك
حاجات كتير جدا
الحل كل واحد فينا يتمسك بالحلم بالامل ويحاول يخليه حقيقه
مش هنقول وظيفة حكومه لاني لو اعتدمنا عليها موت يا حمار
وحلني انما نحاول
واللي يوقع الوقعه تقويه تعلمه مش تشله
تزيده صلابه يحاول ولو بحاجه الصغيره ومفيش حد بداء كبير
كتير بينهزم في وسط الطريق
وكتير بيقدر يكمل وينجح وتمر الايام ويفتكر الايام اللي فاتت ويوقول يااااه معقول انا كنت كده
بس نتوكل علي الله وربنا مش هيسيب حد نتوكل مش نتواكل في فرق