السلام عليكم ورحمة الله وبركاته
هحكيلكم موضوع حيقيقى حصللى .الموضوع كالاتى:
كنت دايما اسمع عن البنات وحب البنات وجمال حب البنات وشدة جمال ان تحب البنات (اية اللى انا بقوله دة)
سيبكو من اللى فات خلينا من اول السطر
كنت فى يوم رايح اقابل واحدة صاحبتى المهم صاحبتى دى كنت عارفها ايام الدراسة وبعد الدراسة كنا مقضينها تليفونات وبعد فترة طلبت تشوفنى وتخرج معايا المهم كنت متردد لانى كنت وقتها دى اول بنت هخرج معاها والطلب دة اول مرة ينطلب منى المهم قررت بعد تردد ان اقابلها
ظبطت اللبس والبرفان وجلجلت شعرى واخدت الموبايل علشان اتصل بيها واقولها انتى جهزتى ولا لسة .وجائت المفاجئة الغير متوقعة اطلاقا:
سمعت صراخ شديدجريت علشان اشوف فية اية .ولقيت حريق شديد فى بيت جرانى بيتهم بسيط ومعظمه خشب (بيت قديم) وكله مولع .المهم ساعتها ما كنتش عارف اعمل ايه وعقلى وقف عن التفكير .ولقيت واحد صاحبى كان فى الجيش مجند فى المطافى لقيته والله جرى ونزل فى البيت بين النار وسط دهشة ورعب الجميع .
اشتد صوت الصراخ خوفا على صحبى .ولقيت نفسى والله من غير تفكير وراه محصله بين النيران والناس تجيب ميه علشان ينطفى الحريق . والبيوت العلوية عمالة تحدف عليا انا وصاحبى المية بدل الحريق .
المهم وبعد حوالى نصف الساعة جاءت قوات الانقاذ بعد البيت ما بقى معظمه رماد غير حياة الاشخاص التى تعرضت للخطر وانا وصاحبى منهم.
خرجنا من الحريق وتركنا قوات الانقاذ لتكتب المحاضر لاصحاب المنزل .(موت وخراب ديار).
وبعدين قولت انا ناسى حاجة ناسى اية يا سمسم ناسى اية يا سمسم (اه الميعاد) يا لهوى.المهم اسرعت علشان الحق الميعاد اوقفنى شقيقى وقاللى انتا رايح فين قولتله اصل عندى ميعاد مهم دلوقت ولازم الحقه . قاللى وانتاا كدة؟ . وشفت الحقيقة المرة الملابس بتاعتى الابيض بقى رمادى والجينز بقى منقط هباب وبدل البرفان ريحة شياط ودخان. دخلت البيت وانا فى قمة الحزن واخدت حمام وذهبت للسرير وخلدت فى نوم عميق.....
بجد والله الحكاية حقيقية مش تاليف .
اوعو تنسو الردود احسن ازعل مش كفاية الحريق؟
« آخـــر الـــمـــشـــاركــــات »
الإهداءات
حريق فى اول ميعاد غرامى 
العرض العادي
