بصراحة ان جيت ولا روحت
او حتى بخيالك سرحت
راح تلقى ايه يفرحك
يا بن الاصول استسمحك
انكاد فى وضع عشنا فيه
ورغيف ما عارف تشتريه
او يعنى قاصدى تموت عليه
ووزير ما تعرف اسمه ايه
يطلع يقولك ازمة ليه
وان قولت له طيب يا بيه
ابنى بهدمه مقطعة
وفانله بيضا مرقعة
يقولك يعنى اعمله ايه
هاجر ودّور عل الهنا
اللى انت عايزه مننا
خلونا حبة عيانين
مرضى وطبعا شحاتين
من ميه زرع لحوم وفين
اللى بيسئل عننا
تيجى تدور على العيال
احسنلك سيبك منهم
وان مرة قلت لهم شمال
ازاى ياسيدى يهمهم
طبعا وباديلك مثال
على اللى بيحصل عندهم
ونسيت اقولك عل الحزام
رابطه بقالى سنين كتير
والحالة مش متغيرة
برضه ونايم عل الحصير
امال يا سيدى فلوسنا فين
ضاعت وراحت عل الفقير
بلدى وحقى مش عليكى
انى بضيع قدام عينيك
وان حد حاول يشتريكى
برضه بروحى راح افديكى
وان مرة جه ظالم عاديكى
كل الولاد هيردوا ليكى
« آخـــر الـــمـــشـــاركــــات »
الإهداءات
بنت الأصول 
رد: بنت الأصول 
العرض العادي
