---------ايه الرومانسية دى يا حمار؟؟؟؟--------------
هي لازم تفهم اني مش مَدَبّ
كنت متنيل قاعد جنب صاحبى على القهوة ماسك الشيشة بأيد و اشوحله بالتانية في وشه و انا عمال أقول انا مش مَدَبّ.. انا مش عارف هي جابت الكلام ده منين؟
_ اهدى بس
_كل ما اقولها حاجة.. تقولي انا مَدبّ.. حمارة مبتفهمش في المشاعر
_احكيلي ايه الي حصل -
_هات ودنك يا سيدى و أحكم انت
بقى احنا قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهلك ماروحتيها قبل كده
طلبنا برتقان و ظبطنا التظابيط.. وبكلمها يا عم وعمّال اقولها الكلام الكبير بتاع المشاعر
و هي قمة قمة في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي و الشيبسى والأكل عمال على بطال وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النضارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل زى ما البنات بتحب
ودي اللي طالع عليها تفتحلى بقها ومبلمة و تقوللى (نعم؟ بتكلمنى يا حبيبى؟الكلام ده ليا انا؟)
أمال لأمى ؟؟؟؟؟ انها تفهم حاجة
اقولها ان تصرفاتها مش عجباني و انها بترغي كتير في الموبايل ومخلصة رصيد أهلى
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي و لبلب ابن لبلب
لغاية ماقالتلي على الكاتب اللي بتقراله دلوقتي و مهتمة بيه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي
قولت بقى القعدة دى فى الكافيه مش جايبة همها و عمالين نطلب فى مشاريب
دى شربت 2 برتقان
كتير
كتير أوى يا صاحبى
دى هتخرب بيت ابويا و فى الاخر مفيش نتيجة
المهم دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟
عاطفة و اشواق وحب على أبوه من الأصلي
هي دي الرومانسية
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة.. هههههه
دا احنا مثقفين زي بعض وبلاش كده
عجبتني قوي اخر جملة دي.. فررحت عايدها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبية.. مبتفهمش.. مبتفكرش
في حموريّة و غباء كده.. قولي
في حد كده ؟
بقى احنا نقعد نعمل لهم ونسويلهم الهوايل و فى الاخر مش عاجبهم؟؟؟
بنات اخر زمن
محدش يزعل من الكلام
just joke